Specialiste Finance

1. Hedhja dhe administrimi i faturave

• Merr, kontrollon dhe administron faturat e blerjeve dhe shitjeve.
• Kryen kontrollin e faturave dhe dokumentacionit shoqërues përpara regjistrimit në sistem.
• Hedh faturat në Microsoft Dynamics në përputhje me procedurat e kompanisë.
• Kontrollon saktësinë e të dhënave të faturës: furnitorin/klientin, datën, numrin e faturës, vlerën, TVSH-në dhe elementët e tjerë përkatës.
• Siguron që faturat të regjistrohen në periudhën e duhur kontabël.
• Identifikon dhe raporton faturat me të dhëna të pasakta, të dyfishta ose me dokumentacion të paplotë.
• Mban të organizuar dokumentacionin fizik dhe elektronik të faturave.

2. Regjistrimi i bankave

• Regjistron transaksionet bankare në Microsoft Dynamics.
• Hedh pagesat dhe arkëtimet sipas ekstrakteve bankare.
• Kontrollon përputhjen e transaksioneve të regjistruara me ekstraktet bankare.
• Kryen rakordimin e llogarive bankare dhe evidenton diferencat eventuale.
• Identifikon transaksionet e paregjistruara dhe ndjek plotësimin e dokumentacionit përkatës.
• Siguron që lëvizjet bankare të jenë të regjistruara në mënyrë të plotë dhe të saktë.

3. Kontrolli dhe rakordimi

• Kryen kontrolle periodike të të dhënave të hedhura në sistem.
• Rakordon të dhënat e faturave me dokumentacionin fizik dhe elektronik.
• Ndjek rakordimet me furnitorët dhe klientët, sipas nevojës.
• Identifikon mospërputhjet midis dokumentacionit dhe të dhënave në sistem dhe propozon korrigjimin e tyre.
• Bashkëpunon me kolegët e financës për sqarimin dhe korrigjimin e diferencave.

4. Administrimi i dokumentacionit financiar

• Organizon dhe arkivon faturat, mandat-pagesat, ekstraktet bankare dhe dokumentacionin tjetër financiar.
• Siguron që dokumentacioni financiar të jetë i plotë, i aksesueshëm dhe i sistemuar.
• Respekton procedurat e brendshme për administrimin dhe ruajtjen e dokumentacionit.